ՀՀ-ում Ներդրումային կոմիտե կստեղծվի։ Վարչապետ Նիկոլ Փաշինյանը որոշում է ստորագրել կոմիտեի աշխատակարգը հաստատելու մասին։
Ըստ որոշման, Ներդրումային կոմիտեի նիստերը ձայնագրվում, արձանագրվում են և հրապարակման ենթակա չեն։
Ներդրումային կոմիտեի նիստը նախագահում է վարչապետը, վարչապետի բացակայության դեպքում՝ վարչապետի որոշմամբ փոխվարչապետը։
Ներդրումային կոմիտեի գործունեության նպատակը գնահատված հանրային ներդրումային ծրագրերի նախագծերի նախնական ընտրությունն է, առաջնահերթությունների որոշումը, հաստատումը և վերջիններիս վերաբերյալ որոշումների կայացումը։
Ներդրումային կոմիտեն քննարկում է Հայաստանի Հանրապետության էկոնոմիկայի նախարարության կողմից գնահատված հանրային ներդրումային ծրագրերը, հաստատում է վերջիններիս առաջնահերթությունները, որի վերաբերյալ կազմվում է ցանկ։