АirBaltic-ը թռիչքներ կկատարի Ռիգայից Երևան
АirBaltic ավիաընկերությունը նոր չվերթեր է մեկնարկում Ռիգայից, այդ թվում՝ դեպի Երևան։ Թռիչքները նախատեսվում է սկսել ամռանը։
Լատվիայից Հայաստան և հակառակ ուղղությամբ թռիչքները կիրականացվեն շաբաթական երկու անգամ, տեղեկացնում է Breakingtravelnews-ը։
Ավիաընկերության գործադիր տնօրեն Մարտին Գաուսը նշել է, ավիաընկերությունը մտադիր էր դեպի Երևան թռիչքներ մեկնարկել դեռևս պանդեմիայից առաջ։
«Այժմ կարող ենք չվերթեր առաջարկել դեպի Հայաստանի մայրաքաղաք և հակառակ ուղղությամբ»,-ասել է նա։
Գաուսը նաև հավելել է, որ ճամփորդությունների ինդուստրիայի վերականգնմանը զուգահեռ իրենց ընկերությունը կկարողանա ավելի շատ ուղղություններ առաջարկել ճանապարհորդներին։
