Վահագն Խաչատուրյանը երկրորդ փուլով ընտրվել է ՀՀ նախագահ: Նրա թեկնածությունն առաջադրած «Քաղաքացիական պայմանագիր» խմբակցության բոլոր անդամները կողմ են քվեարկել, ընդդիմությունը չի մասնակցել քվեարկությանը։
Խաչատուրյանն ընտրվել է 71 կողմ, 0 դեմ ձայների հարաբերակցությամբ։
Խաչատուրյանին առաջին փուլով ընտրվելու համար անհրաժեշտ էր 81 ձայն, սակայն իշխող խմբակցությունն այդքան քվե չուներ՝ նրա օգտին էր քվեարկել 69 պատգամավոր։
ԱԺ կանոնակարգ օրենքի համաձայն` եթե ՀՀ նախագահը չի ընտրվում առաջին փուլով, անցկացվում է երկրորդ փուլ։ Երկրորդ փուլով ընտրվելու համար բավարար էր 34 կողմ քվեն։