Փորձաքննություն չանցած գազաբալոններով մեքենաներն օգոստոսի 1-ից ԱԳԼՃԿ-ներում չեն լիցքավորվի
Պատահական վայրերում տեղադրված ու սահմանված ժամկետում փորձաքննություն չանցած գազաբալոններով ավտոմեքենաներն օգոստոսի 1-ից գազալցակայաններում չեն լիցքավորվի:
Տարածքային կառավարման և ենթակառուցվածքների նախարարությունը հայտնում է, որ ավտոմեքենաներում գազաբալոն տեղադրող ու դրանց պիտանելիությունը պարբերաբար փորձաքննող ընկերությունների աշխատանքը կանոնակարգվում է:
Նշվում է, որ 5 ընկերություն արդեն իսկ ՏԿԵ նախարարության կողմից ստացել են լիցենզիա։
Լիցենզավորման գործընթացը շարունակվում է:
