Ապրիլի 7-ին Հայաստանը Հալեպի բուժհաստատություններին 4 տոննա բժշկական և առողջապահական պարագաններ է փոխանցել: Օգնությունը, Սիրիայում ՀՀ դեսպանության հետ գործակցությամբ, փոխանցել է Հայաստանի հումանիտար առաքելության 9-րդ մարդասիրական խումբը։

Առողջապահության ոլորտի պատասխանատուներն իրենց երախտիքն են հայտնել հայ բժիշկներին ցուցաբերած բժշկական ամենօրյա աջակցության համար:

Ընդհանուր առմամբ, առաքելության առաջին օրվանից մինչև օրս Հալեպի բուժհաստատություններին փոխանցվել է 24 տոննա դեղորայք։