Երևանի որոշ փողոցներ վերանվանվել են։ Որոշումները կայացվել են Երևանի ավագանու նիստում։
Մայիսյան փողոցն այսուհետ կկրի անվանի դերասան, ԽՍՀՄ և ՀԽՍՀ ժողովրդական արտիստ, Երևանի պատվավոր քաղաքացի Խորեն Աբրահամյանի անունը։
Նման առաջարկով է հանդես եկել Երևանի ավագանու «Իմ քայլը» խմբակցության անդամ Նուարդ Վարդանյանը։
Մայրաքաղաքի փողոցներից մեկը կանվանակոչվի Հայաստանում սրտանոթային վիրաբուժության և տրանսպլանտոլոգիայի հիմնադիր, բժիշկ Ալեքսանդր Միքայելյանի պատվին։