Երիտասարդ, բայց արդեն հանրահայտ ջութակահար Սերգեյ Խաչատրյանը դիրիժոր Վալերի Գեորգիեւի ղեկավարությամբ Մարիինյան սիմֆոնիկ նվագախմբի հետ ելույթ կունենա Մոսկվայում: Սերգեյ Խաչատրյանը ելույթ կունենա Զատիկի փառատոնի ծրագրի շրջանակներում կազմակերպված ամենակարեւոր համերգներից մեկին, որի ժամանակ Մարիինյան սիմֆոնիկ նվագախումբը կկատարի Բարտոկի «Կապույտ Մորուք հերցոգի ամրոցը», Շոստակովիչի N1 նվագախմբով ջութակի համար համերգը եւ Ռավելի «Բոլերոն»:

Սիբելիուսի անվան Ջութակահարների միջազգային մրցույթի ամենաերիտասարդ հաղթող Սերգեյ Խաչատրյանը 1993թ.-ից բնակվում է Գերմանիայում: 2005թ. նա դարձավ Եղիսաբեթ թագուհու անվան Միջազգային մրցույթի դափնեկիրը: