Սյունիքի մարզի ընդհանուր իրավասության դատարանը փոխել է Քաջարան համայնքի ղեկավար Մանվել Փարամազյանի նկատմամբ ընտրված խափանման միջոցը։ Նա ազատ կարձակվի գրավի դիմաց։ Այդ մասին ֆեյսբուքյան իր էջում հայտնել է փաստաբան Երվանդ Վարոսյանը։
«Սահմանված գրավի գումարը (50 միլիոն դրամ) մուծելուց հետո Մանվել Փարամազյանն ազատ կարձակվի»,- ասվում է գրառման մեջ։
Մանվել Փարամազյանին մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախություն կազմակերպել) 3-րդ մասով, 311-րդ հոդվածի (Կաշառք ստանալը) 4-րդ մասով և 154.2-րդ հոդվածի (Ընտրողի կամքի ազատ իրականացմանը խոչընդոտելը) 2-րդ մասով: