Վարչապետ Նիկոլ Փաշինյանը Ազգային ժողովում, ընդդիմադիրների հեռանալուց հետո վերսկսված նիստում, պատասխանելով ընդդիմության փողոցային պայքարի մասին ՔՊ պատգամավոր Վահագն Ալեքսանյանի հարցին, հորդորել է ժողովրդավարությունը չմեկնաբանել որպես իշխանության թուլություն։
Նա նաև ասել է, թե ընդդիմությանը թվում է, որ «եթե ամեն ինչ, որ կրկնեն, նույն ձևով անեն, կրկնօրինակեն, կստացի», գրում է Sputnik Արմենիան։
«Ուզում եմ՝ մենք ժողովրդավարությունը երբեք ու երբեք չմեկնաբանենք որպես իշխանության կամ պետության թուլություն: Այսօր ժողովրդավարությունը Հայաստանի թիվ 1 միջազգային բրենդն է, մենք այդ բրենդը պահպանելու ենք, բայց դա չի նշանակում, որ չկան գծեր, որոնց դեպքում ժողովրդավարությունը գործում է իր օրինական իրավական ինստիտուցիոնալ մեխանիզմներով, ամբողջ թափով և խստությամբ»,-հայտարարել է Փաշինյանը, գրում է Panorama.am-ը։
ՔՊ մյուս հերթագրված պատգամավորները հրաժարվել են իրենց հարցերից և Ալեն Սիմոնյանը նիստը համարել է ավարտված:
