Ոստիկանությունը շարունակում է բերման ենթարկել Երևանի տարբեր փողոցներում անհնազանդության ակցիա իրականացնող քաղաքացիներին։
Ոստիկանությունից հայտնել են, որ Երևանի տարբեր հատվածներից ոստիկանության բաժիններ է տարվել 92 քաղաքացի, տեղեկացնում է Aysor.am-ը։
Քաղաքացիները բերման են ենթարկվել վարչական իրավախախտումների վերաբերյալ օրենսգրքի 182 հոդվածով նախատեսված արարքի համար։ 182-րդ հոդվածը սահմանում է՝ ոստիկանության ծառայողի օրինական պահանջը չկատարելը։
Վաղ առավոտից «Դիմադրություն» շարժման մասնակիցները մայրաքաղաքի տարբեր փողոցներ են փակել։