ՌԴ և Ադրբեջանի ԱԳ նախարարներ Սերգեյ Լավրովն ու Ջեյհուն Բայրամովը Դուշանբեում ընթացող ԱՊՀ ԱԳՆԽ նիստի շրջանակում քննարկել են երկկողմ կապերի զարգացման և Երևանի և Բաքվի միջև հարաբերությունների կարգավորմանն առնչվող հարցեր, գրում է ՏԱՍՍ-ը՝ Ադրբեջանի ԱԳՆ-ին հղումով։
«Կողմերը նաև կարծիքներ են փոխանակել տարածաշրջանում իրավիճակի վերաբերյալ՝ մեկ անգամ ևս կարևորելով եռակողմ հայտարարությունների իրագործումը խաղաղության և կայունության ապահովման նպատակով, նշել են Ադրբեջանի և հայաստանի միջև հարաբերությունների կարգավորմանն ուղղված քայլերի նշանակությունը»,-ասվում է հաղորդագրության մեջ։
Ըստ Ադրբեջանի ԱԳՆ-ի, Բայրամովի և Լավրովի հանդիպմանը քննարկվել են նաև «տարածաշրջանային օրակարգի և միջազգային անվտանգությանն առնչվող հարցեր»։
Դուշանբեում ՌԴ ԱԳ նախարար Սերգեյ Լավրովի հետ հանդիպում է ունեցել նաև ՀՀ ԱԳ նախարար Արարատ Միրզոյանը։ Նախատեսված է նաև Հայաստանի, Ռուսաստանի ու Ադրբեջանի ԱԳ նախարարների հանդիպումը։
