Հայաստանում շնորհված գիտական աստիճանները կճանաչվեն նաև ԵԱՏՄ անդամ մյուս երկրներում։ Հայաստանը փոխադարձաբար ևս կճանաչի համաձայնագրին միացած ԵԱՏՄ անդամ այլ երկրների գիտական կոչումները։

Կառավարությունը հավանություն է տվել «Եվրասիական տնտեսական միության անդամ պետություններում գիտական աստիճանների վերաբերյալ փաստաթղթերի փոխադարձ ճանաչման մասին» համաձայնագրի ստորագրման առաջարկությանը:

Համաձայնագրով կկարգավորվի գիտական աստիճանների վերաբերյալ փաստաթղթերի փոխադարձ ճանաչումը՝ աշխատանքի տեղավորման պետությունում աշխատանքային միգրացիայի ոլորտում մասնագիտական գործունեության իրականացման հասանելիությունն այդ փաստաթղթերն ունեցող անձանց համար ապահովելու նպատակով։

Համաձայնագիր նախատեսվում է ստորագրել մինչև տարեվերջ։