Մայիսի 19-ի վաղ առավոտից «Դիմադրչություն» շարժումը վերսկսել է անհնազանդության ակցիաները Երևանում։ Ցուցարարները փողոցներ են փակում քաղաքի կենտրոնում և այլ հատվախում։
Փակ էր Թումանյան-Նալբանդյան խաչմերուկը։ Քաղաքացիները փակել են նաև Լենինգրադյան փողոցը։
Գարեգին Նժդեհի հրապարակից ներկա պահին մեկնարկել է երթը Բագրատունյաց փողոցով։ Կոմիտասի պողոտայում ևս երթ է իրականացվում, տեղեկացնում է Sputnik Արմենիան։
Սասունցի Դավթի հրապարակից երթը շարժվում է դեպի Տիգրան Մեծ պողոտա։
Ցուցարարները փակել են «Հանրապետական» հիվանդանոցին հարակից Մարգարյան փողոցն ու Մաշտոցի պողոտան։
Աջափնյակ համայնքում փակ է Հալաբյան Արզումանյան խաչմերուկը, տեղեկացնում է «Ա1+»-ը։
Մայիսի 18-ի երեկոյան հանրահավաքի ավարտին, «Դիմադրություն» շարժման անդամ Իշխան Սաղաթելյանը հայտարարել էր մայիսի 19-ին նախանշված ակցիաների կոնկրետ հասցեները։