FlyOne Armenia ավիաընկերությունը հունիսի 14-ից սկսում է ոչ կանոնավոր ուղիղ չվերթեր իրականացնել Երևան-Անթալիա-Երևան երթուղով:
Չվերթերը «Զվարթնոց» միջազգային օդանավակայանից դեպի Անթալիայի միջազգային օդանավակայան կիրականացվեն շաբաթական 2 անգամ հաճախականությամբ՝ երեքշաբթի և ուրբաթ օրերին:
Տոմսերի արժեքը սկսվում է 110 եվրոյից:
FlyOne Armenia ավիաընկերության բոլոր տոմսերը և հավելյալ ծառայությունները հնարավոր է ձեռք բերել ավիաընկերության կայքում կամ բջջային հավելվածում, որը հասանելի է Google App-ում կամ App Store-ում, ինչպես նաև գործընկեր բոլոր ընկերությունների գրասենյակներում։