Christie's աճուրդի տունն աճուրդի է հանել հայտնի իրանահայ նկարիչ Մարկոս Գրիգորյանի «Անանուն» կտավը։

«Անանուն» ստեղծագործությունը կտավի վրա կավի և խեժի կիրառմամբ ստեղծված գործ է, որը գնահատվում է 45,000 ֆունտ ստերլինգ (մոտ 55,000 դոլար)։

Այն ստեղծվել է 1993-ին։

Մարկոս Գրիգորյանը (1925 - 2007) իրանահայ նկարիչ է, գորգագետ, հողարվեստի ուղղության հիմնադիր։ Նրա աշխատանքները ներկայացված են Նյու Յորքի Ժամանակակից արվեստի թանգարանում, «Ռոքֆելլեր» կենտրոնի հավաքածուների կազմում, Հռոմի, Թեհրանի պատկերասրահներում և այլուր: Մեթոդաբանական, հայեցակարգային առընչություններ ունենալով Նոր ռեալիզմի, ABC Art-ի , Նոր ալիքի, Ավանգարդի, անհնարին արվեստի հետ` Մարկոս Գրիգորյանի արվեստը ոչ արևմտյան, ոչ արևելյան և ոչ էլ էպիֆենոմեն է : Ծագումով Կարսից, ծնված Ռուսաստանում, հասակ առած Իրանում ` արվեստագետը կրթվել է Հռոմի Գեղեցիկ արվեստների ակադեմիայում, ավարտել 1954-ին: Նա է Թեհրանի բիենալեի հիմնադիրն է, ինչպես նաև համարվում է իրանական ժամանակակից արվեստի հիմնադիրներից մեկը: Ապրել է տարբեր երկրներում, այնուհետև՝ Երևանում: 1994 թ-ին նրան շնոհվել է «Երևանի պատվավոր քաղաքացու» կոչում։ Մարկոս Գրիգորյանը Հայաստանին է նվիրել իր հավաքածուի զգալի մասը, որի հիման վրա Երևանում բացվել է Միջին Արևելքի արվեստի թանգարանը։ Նկարիչը հուղարկավորված է Երևանի քաղաքային պանթեոնում։