Հունիսի 14-ին` ժամը 6:00-ի սահմաններում, Երևանի Ֆրանսիայի հրապարակում, ճեղքելով ոստիկանական հսկողությունը, տեղադրված վրաններից մեկի ուղղությամբ մեքենա է ընթացել: Ֆրանսիայի հրապարակում գտնվող ցուցարարները չեն տուժել:
Ոստիկանության ԶԼՄ-ների հետ կապի բաժնի պետ Զարզանդ Գաբրիելյանն ասել է, որ տեղում ծառայություն իրականացնող ոստիկանները հետապնդել են «Մերսեդես» մակնիշի մեքենան և 3 անձի բերման ենթարկել Կենտրոնական բաժին, տեղեկացնում է Factor.am-ը։
Դեպքի առթիվ նյութեր են նախապատրաստվում:
«Դիմադրություն» շարժման մասնակիցները մայիսի 1-ից վրաններ են տեղադրել Ֆրանսիայի հրապարակում․ այդ օրվանից հրապարակը փակ է երթևեկության համար: