Պայթյուն՝ «Վելլար Գրուպ» ՍՊԸ-ի տարածքում. Նախնական տվյալներով կա 1 զոհ և 1 տուժած
Հունիսի 18-ին` ժամը 12։43-ին, Ճգնաժամային կառավարման ազգային կենտրոն տեղեկություն է ստացվել, որ Երևանի Արին Բերդի թիվ 3/6 հասցեում տեղի է ունեցել պայթյուն։
Պարզվել է, որ «Վելլար Գրուպ» ՍՊԸ-ի տարածքում տեղի է ունեցել պայթյուն։
Ըստ նախնական տվյալների՝ կա մեկ զոհ և մեկ տուժած։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
