Երևանում աղբը սխալ տեղում թափելու համար 200,000 դրամ տուգանք կսահմանվի
Երևանի քաղաքապետարանը աղբը սխալ տեղում թափելու համար 200,000 դրամ տուգանք կսահմանի: Կառույցում գործակարգավարական նիստի ժամանակ քաղաքապետ Հրաչյա Սարգսյանին է ներկայացվել որոշման նախագիծը։
Ըստ գործող կարգի, այժմ տուգանքը 50,000 դրամ է։
Քաղաքապետը կարծիք է հայտնել, որ տուգանքի չափի ավելացումը քաղաքացիներին կստիպի մտածել աղբը չսահմանված տեղում նետելուց առաջ։
Նախագիծը պետք է հաստատի Տարածքային կառավարման նախարարությունը։
Աշխատանքային հերթական խորհրդակցության ժամանակ նշվել է, որ Երևանի կանգառասրահներում և հանրային այլ տարածքներում կտեղադրվեն նոր աղբամաններ: Զեկուցվել է, որ մոտ օրերս կհայտարարվի մինչև 1000 աղբամանի ձեռքբերման մրցույթ:
