Ժամն ու օդի ջերմաստիճանը կրկին կգրանցվեն օպերայի տանիքի էկրանին․ Նոր LED էկրան է տեղադրվել
Այսուհետ երևանցիներն օրվա ժամին ու օդի ջերմաստիճանին դարձյալ կարող են ծանոթանալ նաև Ա. Սպենդիարյանի անվան օպերայի և բալետի ազգային ակադեմիական թատրոնի շենքի տանիքին տեղադրված նոր LED էկրանից: Այդ մասին ֆեյսբուքյան իր էջում գրել է քաղաքապետ Հրաչյա Սարգսյանը։
Նա նաև տեղեկացրել է, որ Երևանի քաղաքապետարանի աշտարակի ժամացույցի երաժշտությունը միաժամանակ կհնչի նաև վարչական շրջաններում:
«Ես վստահ եմ՝ քաղաքը պիտի շուտ արթնանա, աշխատանքային օրը պիտի վաղ սկսվի:
Այսուհետ առավոտյան 07:00 -ից յուրաքանչյուր ժամը մեկ Երևանի քաղաքապետարանի աշտարակային ժամացույցից լսվող երաժշտությունն կհնչի նաև միաժամանակ 12 վարչական շրջաններում»,-ասվում է գրառման մեջ։
