Ռուսական «Դինամոյի» կիսապաշտպան Արսեն Զախարյանի` անգլիական «Չելսի» հնարավոր տրանսֆերի արգելափակում Անգլիայի ֆուտբոլի ասոցիացիայի կողմից չի եղել, գրում է «Սպորտ էքսպրեսը»։
Բանակցությունները շարունակվում են, սեպտեմբերի 1-ին կայանալու է վճռական փուլը՝ քննարկվելու են տեղափոխման տարբերակները։
Օգոստոսի 25-ին հայտնի դարձավ, որ Լոնդոնի ակումբը պատրաստ է ձեռք բերել 19-ամյա ֆուտբոլիստին՝ 15 մլն եվրո հրաժարագին վճարելով։
Օգոստոսի 29-ին հայտնի դարձավ, որ «Չելսի» տեղափոխվելու Զախարյանի շանսերը նվազում են։ Բոլոր կողմերը շահագրգռված են գործարքում, սակայն հարկավոր էր մի քանի հարց լուծել։ Գլխավոր խոչընդոտը գումարի փոխանցումն է ռուսական ակումբին, ինչը խնդրահարույց է դարձել ՌԴ դեմ գործող պատժամիջոցների պատճառով։ Տրանսֆերային պատուհանը փակվում է սեպտենբերի 1-ից։
Ընթացիկ խաղաշրջանում Զախարյանն ակումբի կազմում 7 խաղի է մասնակցել, 1 գոլի հեղինակ է դարձել և 2 գոլային փոխանցման։