Կարեն Անդրեասյանը թողել է արդարադատության նախարարի պաշտոնը
Կարեն Անդրեասյանն ավարտել է պաշտոնավարումը որպես արդարադատության նախարար։ Այդ մասին նա տեղեկացրել է ֆեյսբուքյան իր էջում։
«Այսօր ավարտվեց իմ պաշտոնավարումը` որպես Հայաստանի արդարադատության նախարար»,- գրել է նա՝ թվարկելով իր և նախարարության նվաճումներն այդ պաշտոնում։
«Այս ամենը սկսվել է 2018 թվականի հեղափոխությամբ և վարչապետ Նիկոլ Փաշինյանի թիմի ջանքերով: Առանձնահատուկ շնորհակալ եմ պարոն Փաշինյանին այս մեծ պատասխանատվությունն ինձ վստահելու և մեր բոլոր դրական նախաձեռնություններին իր ամենօրյա մեծ աջակցության համար»,-ասվում է գրառման մեջ:
Կարեն Անդրեասյանը նշանակվել է արդարադատության նախարար 2021-ի օգոստոսին։
