Դիրիժոր Թեոդոր Կուռենտզիսի ղեկավարությամբ musicAeterna նվագախումբն ու երգչախումբը հոկտեմբերի 14-17-ն առաջին անգամ ելույթ կունենան Հայաստանում։
Նախագիծն իրականացվում է ՀՀ կրթության, գիտության, մշակույթի, սպորտի, և Էկոնոմիկայի նախարարությունների մասնակցությամբ:
Առաջին համերգը կկայանա հոկտեմբերի 14-ին` ժամը 19։30, Արամ Խաչատրյան համերգասրահում։
Ծրագրում՝ Պյոտր Իլյիչ Չայկովսկի՝ «Ֆրանչեսկա դա Ռիմինի» սիմֆոնիկ ֆանտազիա (ըստ Դանթեի), Իտալական կապրիչո, «Ռոմեո և Ջուլիետ» նախերգանք-ֆանտազիա (ըստ Շեքսպիրի)։
Շրջագայության ծրագրի գագաթնակետը կլինի հոկտեմբերի 16-ին Արամ Խաչատրյանի համերգասրահում` ժամը 19։30-ին կայանալիք Ալֆրեդ Շնիտկեի Երգչախմբային կոնցերտի ️ կատարումը։
Կոլեկտիվի առաջին հայաստանյան հյուրախաղերը տեղի կունենան Վարդուհի Նազարյանի նախաձեռնությամբ: Նախագծի կազմակերպիչներն են Հայաստանի ազգային ֆիլհարմոնիկ նվագախումբ և Արամ Խաչատրյան համերգասրահը:
