ՀՀ տարածքային կառավարման և ենթակառուցվածքների նախարարությունում հոկտեմբերի 13-14-ը կայացել է տրանսպորտի ոլորտի իրավասու մարմինների հայ-բուլղարական համատեղ հանձնաժողովի հերթական նիստը։ Ի թիվս այլ հարցերի, քննարկվել են նաև «Պարսից ծոց-Սև ծով միջազգային տրանսպորտային միջանցքի» ստեղծման մասին համաձայնագրի ստորագրմանն առնչվող հարցեր։
Քննարկվել են նաև երկու երկրի միջև իրականացվող բեռնափոխադրումների դյուրացման, բեռնափոխադրումների թույլտվությունների քանակի վերանայման, երկրների միջև ստորագրված համաձայնագրում փոփոխություններ կատարելու հարցեր։
ՏԿԵ նախարարի տեղակալ Արմեն Սիմոնյանն ընդգծել է երկու երկրների միջև շարունակական համագործակցության և ոլորտում առաջընթացների կարևորությունը։
Բուլղարական պատվիրակության ղեկավար Բոյկո Ռանովսկին նշել է, որ հանձնաժողովի աշխատանքներն արդեն իսկ արձանագրել են հաջողություններ՝ Հայաստանի և Բուլղարիայի միջև ձեռք բերված համաձայնությամբ։
