Հայաստանի ԱԳ նախարար Արարատ Միրզոյանը ցավակցություն է հայտնել «Թուրքիայում ածուխի հանքահորում տեղի ունեցած պայթյունի հետևանքով բազմաթիվ զոհերի կապակցությամբ։ Այդ մասին նա գրել է Twitter-ի իր միկրոբլոգում։
«Անկեղծ ցավակցություններս բոլոր նրանց, ովքեր կորցրել են իրենց մերձավորներին Բարթինի ածխահանքում խափանման պատճառով։ Շուտափույթ ապաքինում տուժածներին», - ասվում է գրառման մեջ։
Միրզոյանի գրառմանը նույնպես Twitter-ում արձագանքել է Թուրքիայի ԱԳ նախարար Մևլութ Չավուշօղլուն։
«Շնորհակալություն, նախարար, անկեղծ ցավակցության համար»,- գրել է նա։
Պայթյունը տեղի է ունեցել հոկտեմբերի 14-ին Բարթինում գտնվող հանքահորում, որի հետևանքով 80-ից ավելի մարդ, հանքահորի աշխատակիցները, մնացել էին փլատակների տակ։ Մի մասին հաջողվել է հանել, ավելի քան 40 մարդ մահացել է։