Հայաստանի ձյուդոյի հավաքականը կմասնակցի Եվրոպայի առաջնությանը, որը տեղի կունենա ապրիլի 23-27-ը Թբիլիսիում: Ինչպես PanARMENIAN.Net-ին է հաղորդել Հայաստանի ձյուդոյի հավաքականի մարզիչ Արթուր Գեւորգյանը, Եվրոպայի առաջնությունում Հայաստանը կներկայացնեն 5 ձյուդոիստներ, այդ թվում Հովհաննես Դավթյանը (60կգք/կ), Արմեն Նազարյանը (66կգ ք/կ), Ռոբերտ Վարդանյանը (73 կգ ք/կ), Հակոբ Առաքելյանը (90 կգ ք/կ), իսկ կանանց մրցումներում ՀՀ միակ ներկայացուցիչը կլինի Անուշ Հակոբյանը (52կգ ք/կ):

«Մեր մարզիկները Եվրոպայի առաջնությանը ներկայանում են լավագույն կազմով: Ուսումնամարզական հավաքի ընթացքում մենք լավ մարզավիճակ ենք ձեռք բերել եւ պատրաստ ենք Եվրոպայի առաջնութայնը: Հուսով եմ, Վրաստանից կվերադառնանք մեդալներով»,-ասել է Գեւորգյանը:

Հայ ձյուդոիստների պատվիրակությունը Հայաստանի ձյուդոյի ֆեդերացիայի նախագահ Ալեքսան Ավետիսյանի ղեկավարությամբ Վրաստան կմեկնի ապրիլի 22-ին: