ԱԺ «Պատիվ ունեմ» խմբակցությունն Արցախ այցի շրջանակում հանդիպել է ԱՀ խորհրդարանի ընդդիմադիր ՀՅԴ, ԱԺԿ, «Արդարություն» կուսակցության ներկայացուցիչների հետ։
Կողմերը քննարկել են Արցախի շուրջ ստեղծված իրադրությունը, Ադրբեջանի վերջին ագրեսիայի ու դրա հետևանքների, ինչպես նաև՝ տարածաշրջանում ուրվագծվող նոր վտանգավոր գործընթացների խնդիրը, տեղեկացնում է ՀՀԿ մամուլի ծառայությունը։
Հայաստանի ու Արցախի առաջնահերթությունները հաշվի առնելով, կողմերը պայմանավորվել են աշխատել համագործակցության նոր ձևաչափերի շուրջ՝ առավել արդյունավետ դարձնելու միասնական աշխատանքը՝ հանուն Հայաստանի և Արցախի։
Դիմադրության շարժումը, ի պաշտպանություն Արցախում հոկտեմբերի 30-ին տեղի ունեցած հանրահավաքի ու ԱԺ ընդունած հայտարարության, նոյեմբերի 5-ին հանրահավաք էր հրավիրել Ֆրանսիայի հրապարակում:
