Նոյեմբերի 10-ին` ժամը 21:00-ից, մինչև նոյեմբերի 11-ի 07:00-ն, փակ կլինի Աբովյան-Պուշկին խաչմերուկից Հանրապետության հրապարակ տանող ճանապարհահատվածը, հայտնում է Երևանի քաղաքապետարանը։
Նշվում է, որ դա պայմանավորված է մայրաքաղաքի ամանորյա տոնական ձևավորման աշխատանքներով։
Ավելի վաղ հայտնի դարձավ, որ այս տարի նախատեսվում է սովորականից շուտ տեղադրել գլխավոր տոնածառն ու լուսավորությունը՝ կապված «Մանկական Եվրատեսիլը» Երևանում անցկացնելու հետ։