Ռազմարդյունաբերական համալիրի մշակումներից շատերը փորձարկվել են իրական պայմաններում և այսօր արդեն իսկ սերիական արտադրության մի շարք պատվերներ կան։ Այդ մասին խորհրդարանում ասել է ԱԺ փոխխոսնակ Հակոբ Արշակյանը։
Նրա խոսքով, պաշտպանության նախարարության կողմից իջեցված սերիական պատվերներ կան, հայտնում է Aysor.am-ը։
«Կարող ենք արձանագրել, որ Հայաստանում այսօր առկա են մի շարք արտադրատեսակների, այդ թվում՝ անօդաչու թռչող սարքերի, ռադիոլոկացիոն համակարգերի, օպտիկական գիշերային և ցերեկային դիտարկման համակարգերի, և մի շարք այլ սպառազինությունների սերիական արտադրություններ», - ասել է Արշակյանը։