Երևանի քաղաքապետ Հրաչյա Սարգսյանը քաղաքապետարանի գործակարգավարական հերթական նիստում հանձնարարել է մտածել վարորդների մասին՝ առաջիակյում Երևան հասնող տրոլեյբուսների համար։
«15 տրոլեյբուսի ենք սպասում, արդեն վարորդների մասով մտածեք»,-ասել է նա:
Արդյունքների մասին քաղաքապետին պետք է զեկուցեն 2 շաբաթվա ընթացքում։
Երևանի քաղաքապետարանը ձեռք է բերել 15 նոր տրոլեյբուս համայնքային միջոցներով՝ համալրելու Երևանի վերգետնյա էլեկտրատրանսպորտի շարժակազմը:
Ավելի վաղ քաղաքապետ Սարգսյանը հայտնել էր, որ Մայրաքաղաքի համար ձեռք բերված նոր տրոլեյբուսները պատրաստ են ուղևորվել Հայաստան։