Ադրբեջանն արբիտրաժային գործընթաց է սկսել Հայաստանի դեմ՝ փոխհատուցում պահանջելով «շրջակա միջավայրին հասցված վնասի համար»։ Այդ մասին հայտարարել է Ադրբեջանի ԱԳ նախարար Ջեյհուն Բայրամովը։
«Բնական պաշարների թեման ինքնին շատ ծավալուն է։ Հայկական կողմի որոշ պաշտպաններ միանգամայն չհիմնավորված կարծիք են հայտնում»,-ասել է նա, գրում է APA-ն։
Նա հավելել է, որ նրանք ներկայացնում են հարցը որպես արհեստականորեն ուռճացված։
«Ադրբեջանը պատմության մեջ առաջին անգամ արբիտրաժային գործընթաց է նախաձեռնել Հայաստանի դեմ ըստ Բեռնի կոնվենցիայի։ Մենք դատի ենք տվել Հայաստանին Ադրբեջանի շրջակա միջավայրին հասցված զանգվածային վնասի համար»,-ասել է նա։
Ադրբեջանի ԱԳՆ հայտարարության մեջ ասվում է, որ 2020թ. պատերազմից հետո Ադրբեջանն ապացույցներ է հավաքել առ այն, որ Երևանը «օկուպացիայի տարիներին» վնաս է հասցրել շրջակա միջավայրին։