Ֆրանսիայի ԱԳ նախարար Կատրին Կոլոննան կարևորել է Հայաստան Եվրամիության երկարաժամկետ դիտորդական առաքելություն գործուղելու վերաբերյալ որոշումը։ Այդ մասին նա գրառում է կատարել Twitter-ի իր միկրոբլոգում։

«Սա շատ կարևոր որոշում է։ Ֆրանսիան ուրախ կլինի մասնակցելու այդ եվրոպական առաքելությանը»,-գրել է նա։

ԵՄ ԱԳ նախարարները հաստատել են քաղաքացիական նոր առաքելության գործուղումը Հայաստան 2 տարով, որը կոչված է «նպաստելու կարգավորմանը Կովկասում»։ Առաքելության նպատակն է նպաստել Հայաստանի սահմանամերձ շրջաններում կայունությանը, տեղում վստահություն ձևավորել և ապահովել Հայաստանի և Ադրբեջանի միջև հարաբերությունների կարգավորման ջանքերին նպաստող միջավայր:

Եվրամիության դիտորդները, թվով 40 հոգի, որոնց ժամանակավոր առաքելությունը հոկտեմբերի 17-ին տեղակայվել էր Ադրբեջանի հետ սահմանի հայկական կողմի երկայնքով՝ իրավիճակը դիտարկելու, վերլուծելու և զեկուցելու նպատակով, ժամանակավոր էր և ավարտել է գործունեությունը դեկտեմբերի 20-ին։