Փոխվել է Հատուկ բանակային կորպուսի ղեկավարությունը։ Նախագահը հրամանագրեր է ստորագրել ազատումների և նոր նշանակումների վերաբերյալ։
Հատուկ բանակային կորպուսի հրամանատար է նշանակվել Արմեն Գյոզալյանը՝ ազատվելով ԶՈւ գլխավոր շտաբի օպերատիվ գլխավոր վարչության պետ-ԶՈւ գլխավոր շտաբի պետի տեղակալի պաշտոնից:
Այդ պաշտոնում Գյոզալյանը կփոխարինի Արտակ Բուդաղյանին, որն ազատվել էր պաշտոնից։
Պաշտոններից ազատվել են նաև Հատուկ բանակային կորպուսի հրամանատարի տեղակալները։
Սամվել Պողոսյանն ազատվել է Հատուկ բանակային կորպուսի հրամանատարի տեղակալի պաշտոնից, նրան փոխարինել է Գագիկ Պողոսյանը։
Պաշտոնից ազատվել է Հատուկ բանակային կորպուսի շտաբի պետ-կորպուսի հրամանատարի տեղակալ Բագրատ Մաթևոսյանը։ Այդ պաշտոնին նշանակվել է Լևոն Կասյանը։