Facebook-ն արգելափակել է «Հիշում եմ և պահանջում» կարգախոսով հուշային շրջանակների պատրաստման հնարավորությունը: Այդ մասին ֆեյսբուքյան էջում հայտնել է «Հայոց ցեղասպանության թանգարան-ինստիտուտ» հիմնադրամը։
Առաջարկվում է հիմնադրամի էջում տեղադրված նկարներում Photoshop ծրագրի միջոցով ավելացնել օգտատերի լուսանկարը և այդ կերպ տարածել։
«Հայոց ցեղասպանության թանգարան-ինստիտուտն այս տարի ևս պատրաստել էր «Հիշում եմ և պահանջում» կարգախոսով հուշային շրջանակներ ֆեյսբուքյան օգտատերերի գլխավոր նկարների համար: Սակայն Ֆեյսբուքն արգելափակել է շրջանակների պատրաստման հնարավորությունը:
Ուստի մենք առաջարկում ենք ներքևում տեղադրված նկարներում Photoshop ծրագրի միջոցով ավելացնել Ձեր լուսանկարը և այդ կերպ տարածել դրանք»,-ասվում է գրառման մեջ։