ՀՀ նախագահը կմասնակցի Չարլզ III–ի թագադրությանը
Հանրապետության նախագահ Վահագն Խաչատուրյանը բրիտանական կողմի հրավերով աշխատանքային այցով Մեծ Բրիտանիայում է։ Նա կմասնակցի Չարլզ Երրորդի թագադրության հանդիսավոր արարողությանը։
Հանրապետության նախագահը կմասնակցի նաև Չարլզ Երրորդի անունից կազմակերպված ընդունելությանը։
Այցի շրջանակում Խաչատուրյանը դասախոսությամբ է հանդես եկել Քեմբրիջի համալսարանում՝ նվիրված Հայաստանում և մեր տարածաշրջանում առկա մարտահրավերներին և փոփոխվող իրողություններին։ Դասախոսությունից հետո նախագահը շրջայց է կատարել համալսարանում:
Նախատեսվում է նախագահի հանդիպումը բրիտանահայ համայնքի ներկայացուցիչների հետ։
Թագադրությունը տեղի կունենա մայիսի 6-ին։
