Գազայի հատվածից արձակված հրթիռի հարվածից Իսրայելի կենտրոնական շրջանում գտնվող Ռեհովոտ քաղաքում տարեց հայ կին է մահացել։ Այդ մասին ֆեյսբուքյան իր էջում հայտնել է Պետախ Տիկվայի հայերի «Նաիրի» միության նախագահ Արտյոմ Չերնամորյանը։
80-ամյա թոշակառու Ինգա Աբրահամյանը մահացել է, իսկ նրա ամուսինը` վիրավորվել։
Ընդհանուր թվով այս շենքի հրթիռահարության պատճառով զոհվել է 1, վիրավորվել 12 բնակիչ։ Շենքի բնակիչները տեղավորվել են հյուրանոցում։
2008-ից ի վեր հայ համայնքը պաղեստինա-իսրայելյան հակամարտության արդյունքում զոհեր չէր ունեցել։
2008 ապրիլին Գազայի գոտում զոհվել էր Հայաստանից Իսրայել տեղափոխված դիրիժոր և կոմպոզիտոր Վահագն Պապյանի որդին ` Դավիթ Պապյանը։ Գազայում նրանց ստորաբաժանումը ծուղակն էր ընկել, և պաղեստինցի զինյալների հետ բախման ընթացքում զոհվել էր երեք զինվոր, որոնց թվում էր 21-ամյա շարքային Դավիթ Պապյանն, ով հետմահու իր հերոսության և կրակն իր վրա ընդունելու համար սերժանտի կոչման արժանացավ։