Պեսկով․ Պուտինը Սոչիում կհանդիպի Փաշինյանին
ՌԴ նախագահ Վլադիմիր Պուտինը Սոչիում առանձին հանդիպում կունենա ՀՀ վարչապետ Նիկոլ Փաշինյանի հետ։ Այդ մասին հայտնել է ՌԴ նախագահի խոսնակ Դմիտրի Պեսկովը։
«Պուտինն առանձին աշխատանքային հանդիպում կունենա Հայաստանի վարչապետ Նիկոլ Փաշինյանի հետ»,-ասել է նա, հայտնում է ՌԻԱ Նովոստին։
Պուտինը հանդիպումներ կունենա նաև ԱՊՀ և ԵԱՏՄ պատվիրակությունների ղեկավարների հետ, ինչպես նաև կզրուցի Բելառուսի նախագահ Ալեքսանդր Լուկաշենկոյի հետ։
«Պուտինն այսօր Սոչիում է և իր աշխատանքային օրվա հրապարակային մասը կսկսի Ալեքսանդր Լուկաշենկոյի հետ ոչ ֆորմալ զրույցից»,-ասել է նա։
Վարչապետ Նիկոլ Փաշինյանը Սոչիում մասնակցել է ԱՊՀ կառավարությունների ղեկավարների խորհրդի հերթական նիստին: Նեղ կազմով նիստում վարչապետ Փաշինյանը հանդես է եկել ելույթով:
