Գարեգին Երկրորդը շուտափույթ ապաքինում է մաղթել Հռոմի պապին
Ամենայն Հայոց Կաթողիկոս Գարեգին Երկրորդը շուտափույթ ապաքինման իր մաղթանքներն է հղել Ֆրանցիսկոս Պապին, հայտնում է Մայր աթոռ սուրբ Էջմիածնի տեղեկատվական համակարգը։
«Հունիսի 9-ին Ծայրագույն պատրիարք և Ամենայն Հայոց կաթողիկոս Գարեգին Երկրորդը շուտափույթ ապաքինման իր մաղթանքներն է հղել Հռոմի Սրբազան քահանայապետ Նորին Սրբություն Ֆրանցիսկոս Պապին վիրահատության առիթով։
Ամենայն Հայոց Կաթողիկոսը բարեմաղթել է, որ Ամենախնամ Տերը քաջառողջություն պարգևի Նորին Սրբություն Ֆրանցիսկոս Պապին՝ շնորհելով Հովվապետական երկար տարիների ծառայություն»,-ասվում է ուղերձում։
Հունիսի 7-ին Հռոմի պապ Ֆրանցիսկոսին վիրահատել են Հռոմում։ Վիրահատությունն անցել է առանց բարդությունների:
