ՀՀ-ն Արցախին 2.9 մլրդ դրամի նոր վարկ կտրամադրի
Հայաստանն Արցախին 2.9 միլիարդ դրամի չափով նոր վարկ կտրամադրի։ Որոշման նախագիծն ընդգրկված է կառավարության նիստի օրակարգում։
Վարկն անտոկոս է։
Հիմնավորման մեջ նշվում է, որ վարկը տրամադրվում է հետապատերազմյան ժամանակահատվածում Լեռնային Ղարաբաղի տարածքում ստեղծված սոցիալական լարվածության մեղմանն ուղղված լրացուցիչ ֆինանսավորման համար:
Որոշումն ուժի մեջ է մտնում պաշտոնական հրապարակմանը հաջորդող օրվանից:
Որոշման նախագիծը բխում է «Կառավարության 2021-2026թթ. ծրագիր» ծրագրի «1.Անվտանգություն և արտաքին քաղաքականություն» բաժնի դրույթներից:
