Սամբոյի աշխարհի առաջնությունը կանցկացվի Երևանում
Սամբոյի աշխարհի առաջնությունը տեղի կունենա Երևանում: Գործադիրը հավանություն է տվել որոշման նախագծին։ Հարցը չզեկուցվողների թվում էր։
Վարչապետ Նիկոլ Փաշինյանը հայտարարել է, որ աշնանը հերթական խոշոր միջազգային մրցաշարն է տեղի ունենալու մեր երկրում։
«Մենք ընդունեցինք որոշում ապահովելու Սամբոյի աշխարհի առաջնության անցկացումը ՀՀ-ում՝ Երևանում։ Հաջողություն եմ մաղթում մեր մարզիկներին, որոնք հույս են տալիս, որ այս տարի միջազգային նվաճումներով գուցե թե նախորդ տարվա նվաճմանն առնվազն մոտ լինենք կամ կրկնենք, կամ գուցե նույնիսկ գերազանցենք»,-նշել է նա։
ԿԳՄՍ նախարարությունն ակնկալում է մոտ 600 մասնակից` 80 երկրից:
