Բռնցքամարտի աշխարհի պատանեկան առաջնությունը 2013-ին կանցկացվի Երևանում
Բռնցքամարտի աշխարհի պատանեկան առաջնությունն այս տարի կանցկացվի Երևանում։ Այդ մասին ֆեյսբուքյան իր էջում հայտնել է վարչապետի աշխատակազմի ղեկավար Արայիկ Հարությունյանը։
«Բռնցքամարտի միջազգային ասոցիացիան իր օրացույցում ավելացրել է Հայաստանի անունը: Երևանը նոյեմբեր-դեկտեմբեր ամիսներին կհյուրընկալի Բռնցքամարտի աշխարհի պատանեկան առաջնությունը: Հաշվի առնելով Եվրոպայի առաջնության գերազանց արդյունքները՝ մեր պատանիներից բազմաթիվ մեդալների հույս ունենք»,-ասվում է գրառման մեջ։
Ակնկալվում է 80-100 պետությունից թիմերի մասնակցություն։
