Եվրոպական երկրներում գործում են վարձկանների բրիգադներ, որոնք տարիներ շարունակ ծեծում, ահաբեկում ու խեղում են Ադրբեջանի իշխանություններին քննադատող անձանց, որոնք փախել են երկրից։ Այդ մասին ասվում է NewsroomIn-ի հետաքննության մեջ։

«Նրանց անվանում են «նորոգիչներ, որոնց ղեկավարում են «կապալառուները» Ադրբեջանի հատուկ ծառայություններից։ Նման մեկ «նորոգման» արժեքը 60,000 եվրո է։ Այդ բրիգադների նպատակն է փակել Ադրբեջանի իշխանությունների քննադատների բերանը, որպեսզի նրանք Եվրոպայում չփչացնեն երկրի և դրա ղեկավարի իմիջը»,–ասվում է հոդվածում։

Նշվում է, որ «նորոգիչներից» մեկը՝ Ռամազան Յամանը հայտնել է այդ մասին Լիտվայի և Շվեդիայի իշխանություններին։

Նշվում է նաև, որ նման բրիգաները մեծ թափ են հավաքել Եվրոպայում, գործում էին Գերմանիայում, Շվեյցարիայում, Շվեդիայում, Ֆրանսիայում, Վրաստանում, Բելգիայում։

«Համակարգումն ու կանխիկով վճարումը գալիս էր Ադրբեջանից։ Յամանը միայն մեկ դրվագ է նշել, որին անձամբ է ներկա եղել՝ կանխիկը որպես կանխավճար նրան մի մարդ էր բերել Լիտվա։ Գումարի փոխանցմանը հետևել են Լիտվայում ադրբեջանական դեսպանատա աշխատակիցները, որոնցից մեկին նույնականացրել են հետաքննության մասնակիցները»,–ասվում է հոդվածում։