Կենտրոնական ընտրական հանձնաժողովը հրապարակել է Երևանի ավագանու ընտրությունների քվեարկության նախնական արդյունքները. Ձայները բաշխվել են հետևյալ կերպ․

«Հանրային ձայն» կուսակցություն՝ 9,68%

«Քաղաքացիական պայմանագիր»՝ 32․57%

«Արդար Հայաստան»՝ 1.12%

«Հաղթանակ»՝ 1.71%

«Ուժը հայրենյաց»՝ 0.74%

«Հայաստանի եվրոպական՝ 1.11%

«Ազգային առաջընթաց»՝ 18․89%

«Հանուն սոցիալական արդարության»՝ 0.34%

«Հանրապետություն»՝ 11.32%

«Միացյալ Հայաստան»՝ 0.55%

«Լուսավոր Հայաստան»՝ 1.8%

«Ժողովրդավարական Համախմբում»՝ 1.01%

«Ապրելու երկիր»՝ 3.64%

«Մայր Հայաստան» դաշինք՝ 15.43%

Իշխող ՔՊ օգտին քվեարկել է ընտրողների 32.57%-ը (75,463 ձայն)։ Դա հնարավորություն չի տալիս ՔՊ-ին ինքնուրույն ընտրել Երևանի քաղաքապետ։ Իր հետ կոալիցիան չբացառած «Հանրապետություն» կուսակցությունն էլ ստացել է 11.32%-ը։ Նախնական հաշվարկներով, նրանք կունենան 65-տեղանոց ավագանիում 24 և 8 ձայն, մյուս ուժերի ձայների հանրագումարը 33 է։ Երևանի քաղաքապետին ընտրելու է ավագանին։

Երևանի ավագանու ընտրություններին 824,250 ընտրողից մասնակցել է 234,553-ը կամ 28.46%-ը։ Համեմատության համար, 2018 թվականի սեպտեմբերին ավագանու ընտրություններին մասնակցել էր 370,323-ը, որը կազմում է ընտրողների ընդհանուր թվի 43.65%-ը։ 2017 թվականի ընտրություններին մասնակցության թիվը կազմել է 40.99% կամ քվեարկել է ընտրելու իրավունք ունեցող 345,226 հոգի։