Մայիսի 9-ին` թեթեւ ատլետիկայի համաշխարհային օրը, Արտաշատում տեղի կունենա թեթեւ ատլետիկայի մրցաշար, որին կմասնակցեն մարզիկներ Հայաստանի բոլոր մարզերից: Ինչպես հայտնել են PanARMENIAN.Net-ին Հայաստանի Թեթեւ ատլետիկայի ֆեդերացիայից, մրցաշարը կանցնի Թեթեւ ատլետիկայի ֆեդերացիաների միջազգային ասոցիացիայի (IAAF) հովանու ներքո եւ դրան կմասնակցեն 1992-1996թթ. ծնված պատանիներ եւ աղջիկներ:

Հայաստանի թեթեւ ատլետիկայի հավաքականը կմասնակցի նաեւ Եվրոպայի թիմային առաջնությանը (3-րդ լիգա), որը տեղի կունենա հունիսի 20-21-ը Բոսնիա եւ Հերցեգովինայում: Հայաստանի հավաքականի կազմը կձեւավորվի Գառնիկ Ղուկասյանի անվան մրցաշարի (մայիսի 16-17) եւ Հայաստանի առաջնության (մայիսի 30-31) արդյունքներով: