Արցախի ներակայցուցիչների պատվիրակությունը ժամանել է Եվլախ, հաղորդում են ադրբեջանական տելեգրամյան ալիքները, նաև կից տեսանյութ հրապարակում, հայտնում է «Ազատությունը»։

Պատվիրակությունը ռուսական խաղաղապահ զորախմբի ուղեկցությամբ Եվլախում կհանդիպի ադրբեջանական կողմի հետ։

Արցախյան պատվիրակությունը գլխավորում է ԱՀ ԱԺ պատգամավոր Դավիթ Մելքումյանը։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով Արցախը, այդ թվում՝ Ստեփանակերտը։ Սեպտեմբերի 20-ի առավոտվա դրությամբ մի շարք քաղաքներից ու գյուղերից ավելի քան 7000 մարդ էր տարհանվել, առնվազն 200 զոհ կա և 400 վիրավոր։ Բաքուն հայտարարել էր, որ չի դադարեցնի ռազմական գործողությունները, մինչև Արցախի ՊԲ-ն վայր չդնի զենքերը, ԱՀ իշխանությունն էլ չլուծարվի: Սեպտեմբերի 20–ին հայտնի դարձավ, որ ԱՀ իշխանություններն ընդունել են ռուսական խաղաղապահ առաքելության հրամանատարության առաջարկությունը կրակի դադարեցման վերաբերյալ, ըստ էույթան համաձայնվելով Բաքվի պայմաններին՝ ՊԲ զինաթափում և լուծարում։ Սեպտեմբերի 21–ին հանդիպում է նախատեված Եվլախում Բաքվի և ԼՂ ներկայացուցիչների միջև։