«Անկարան կարող է ստիպված լինել փոխելու իր դիրքորոշումը ` չնայած Ադրբեջանի կողմից աճող դժգոհությանը եւ ճնշմանը»: Այդ մասին հայտարարել է Թուրքիայի արտաքին գործերի խորհրդարանական հանձնաժողովի նախագահ, իշխող Արդարություն եւ զարգացում կուսակցության (AKP) անդամ Մուրադ Մերջանը:

«Եթե զուգահեռ դիվանագիտությունը, այն է` հայ-թուրքական սահմանի բացման բանակցությունները միաժամանակ Լեռնային Ղարաբաղից եւ նրա հարակից տարածքներից հայկական զորքերի դուրս բերման բանակցությունների հետ, չաշխատի, մենք պետք է արագություն ձեռք բերենք եւ սկսենք վերացնել խոչընդոտները»,- ասել է թուրք խորհրդարանականը, գրում է թուրքական Today's Zaman թերթը: