Եվրո 2024-ի ընտրական փուլի D խմբի վերջին տուրի խաղում Հայաստանի հավաքականը հյուրընկալվելիս 1։0 հաշվով զիջել է Խորվաթիայի ընտրանուն։ Թիմերի առաջին հանդիպումը Երևանում ևս ավարտվել էր խորվաթների նվազագույն հաշվով հաղթանակով։

Խմբի առաջատար Թուրքիայի հավաքականը հյուրընկալվելիս ոչ ոքի՝ 1։1 է խաղացել Ուելսի հետ և մնացել առաջին հորիզոնականում, գրում է Factor.am-ը։

Եվրոպայի առաջնության եզրափակիչ փուլ է դուրս եկել նաև Խորվաթիայի հավաքականը, որը 16 միավորով խմբում երկրորդ տեղն է զբաղեցրել։ Ուելսը 12 միավորով երրորդ տեղում է, Հայաստանը 8 միավորով՝ չորրորդ։ Լատվիայի հավաքականն ունի 3 միավոր և եզրափակում է մրցաշարային աղյուսակը։