Դեկտեմբերի 1–ի երեկոյան տիեզերք կարձակվի Հայաստանի առաջին հայրենական արբանյակը՝ «Հայասաթ-1»-ը։ Նախապատրաստվել է հատուկ ուղիղ հեռարձակում, որը մեկնարկելու է ժամը 21:00-ին, հայտնում է «Բազումք» տիեզերական հետազոտությունների լաբորատորիան։
«Այսօր երեկոյան բոլորս սրտատրոփ հետևելու ենք, թե ինչպես է SpaceX-ի Falcon 9 հրթիռով տիեզերք արձակվում Հայաստանի առաջին հայրենական արբանյակը՝ «Հայասաթ-1»-ը։
Ինչպես խոստացել էինք, դուք հնարավորություն եք ունենալու մեզ հետ հետևելու այս պատմական թռիչքը լուսաբանող միջոցառմանը և բուն թռիչքին»,–ասվում է հաղորդագրության մեջ։
Հեռարձակմանը կարելի է հետևել YouTube-յան ալիքում։