Լևոն Արոնյանն աջակցություն է հայտնել Օզբիլիսին
Հայաստանի շախմատի տղամարդկանց թիմի նախկին առաջատար Լևոն Արոնյանն իր աջակցությունն է հայտնել ՀՖՖ նախագահի թեկնածու Արաս Օզբիլիսին: Այդ մասին նա խոսել է ֆեյսբուքյան եթերում։
Արոնյանը նշել է, որ շախմատից հետո ֆուտբոլն իր սիրած սպորտաձևն է։
«Մենք այս պահին հնարավորություն ունենք Ֆուտբոլի ֆեդերացիայի նախագահի պաշտոնում ընտրել մի մարդու, որը երկար տարիներ խաղացել է հավաքականում և խաղացել է շատ ուժեղ թիմերում։ Նա իրեն դրսևորել է որպես մեծագույն և պրոֆեսիոնալ մարզիկ: Հուսով եմ, որ Արաս Օզբիլիզին կկարողանանք աջակցեն իր այս ճանապարհին՝ սպորտը զարգացնելու գործում»,-ասել է Արոնյանը։
Հայաստանի ֆուտբոլի ֆեդերացիայի նախագահի ընտրությունները կայանալու են դեկտեմբերի 23-ին: Թեկնածուները երկուսն են` գործող նախագահ Արմեն Մելիքբեկյանը և Արաս Օզբիլիսը:
