Դեկտեմբերի 21–ին Երևան կժամանի ՀԱՊԿ գլխավոր քարտուղար Իմանգալի Տասմագամբետովը՝ հանդիպում է ունենալու ԱԳՆ ղեկավար Արարատ Միրզոյանի հետ։
Կողմերը քննարկելու են Մինսկում կայացած կազմակերպության գագաթնաժողովի արդյունքները, հայտնում է ՏԱՍՍ–ը։
«Նախատեսվում է քննարկել ՀԱՊԿ ԱԳՆԽ, պաշտպանության նախարարների խորհրդի, ԱԽ քարտուղարների կոմիտեի համատեղ նիստի և ՀԱՊԿ Հավաքական անվտանգության խորհրդի նստաշրջանի արդյունքները»,–ասվում է հաղորդագրության մեջ։
Հայաստանը չի մասնակցել նոյեմբերի 22–ին Մինսկում կայացած նիստին։
Վարչապետ Նիկոլ Փաշինյանը չի մասնակցել ՀԱՊԿ նիստին։ Փաշինյանը Բելառուսի նախագահին տեղեկացրել էր, որ չի կարողանա մասնակցել նիստին և հույս էր հայտնել, որ ՀԱՊԿ գործընկերները ըմբռնումով կվերաբերվեն այդ որոշմանը:
Հայաստանի պաշտպանության նախարար Սուրեն Պապիկյանը չի մասնակցել ՀԱՊԿ Պաշտպանության նախարարների խորհրդի նիստին, իսկ ԱԳ նախարար Արարատ Միրզոյանը չի մասնակցել ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստին:
