Վարչապետ Նիկոլ Փաշինյանն ընդունել է ֆիզիկոս, ABBYY ընկերության հիմնադիր, արհեստական բանականության ոլորտում գործունեություն ծավալող Newo.ai ընկերության նախագահ Դավիթ Յանին: Զրուցակիցները քննարկել են բարձր տեխնոլոգիաների և մասնավորապես արհեստական բանականության ոլորտում գրանցված համաշխարհային ձեռբերումներն ու ոլորտի զարգացման հեռանկարները:
Մտքեր են փոխանակվել արհեստական բանականության բնագավառում մեր երկրում ծրագրեր իրականացնելու, թվային ոլորտի մասնագետների պատրաստման հնարավորությունների և բարձր տեխնոլոգիաների ոլորտում առկա ներուժի շուրջ:
Դավիթ Յանը ծնվել է 1968թ. հունիսի 3-ին Երևանում: Ավարտել է Երևանի ֆիզմաթ դպրոցը: Լինելով Մոսկվայի ֆիզիկատեխնիկական ինստիտուտի ուսանող` 21-ամյա Յանը ստեղծել է Lingvo բառարանը: Նա նաև գրպանի համակարգչի ստեղծողն է: Յանը նաև «Այբ կրթական հիմնադրամի» հիմնադիրներից է, մասնակցել է նաև «ԹՈՒՄՈ» նախագծին:
